Liburutegia eta dokumentazio zentroa

Euskal gaietan berezitu liburutegia

Liburutegia museoarekin batean sortu zen eta urtez urte aberastu. Euskal Museoko liburutegia euskal gaietan berezitu liburutegi garrantzitsuenetarik da. 

Obra arraro edo zahar (16. eta 19. mendeen artekoak) kopuru handiari esker, erreferentziazko bilduma eskaintzen du. 25000 liburu inguru, 1000 aldizkari titulu baino gehiago, 250 bat eskuizkribu… biltzen ditu.

Haren aspaldiko funtsa honela osatzen da:

  • euskal kulturari eta eskualdeko kulturari buruzko obrak
  • 19. eta 20. mendeetako egunkariak eta aldizkariak
  • balio oso handiko liburuak, hala nola Axular, J. Leizarraga, A. Oihenart euskal idazleenak
  • eskuizkribuak, hala nola 18. eta 19. mendeetako pastoralen jatorrizko testuak
  • euskal errepertorioko partizioak.

 

Funtsa beti aberasten ari da, liburuak eta aldizkariak erregularki erosiz. Bertan, ondoko gaiak jorratzen dira:

  • hemengo aktualitatea
  • erakusketan aipatu gaiak (Euskal Herriko historia, Euskal Herriko etnologia eta soziologia, Euskal Herriko arteak…)
  • historiari buruzko liburu orokorrak, arteen historia
  • museoko langileen egitekoak: museologia, bitartekaritza, politika kulturalak, kontserbatzea
>

Dokumentazio zentroa, erabiltzaileen zerbitzuko

Dokumentu horiek dokumentazio zentroan kontsulta daitezke. Zentroa Gaztelu Berrian dago. Edonor joan daiteke, urririk eta izena eman gabe.

Proposatu zerbitzuak:

  • Dokumentuak lekuan berean baizik ez dira kontsultatzen ahal
  • Katalogoa linean da
  • Bilaketa laguntza pertsonalizatua erabilgarri da
  • Argibide eskaerei erantzuten zaie, telefonoz edo posta elektronikoz
  • Fotokopiak egin daitezke